17. Procedura për Finalizimin e Fazës I-rë dhe II-të të PBA 2026-2028
Drejtoria e Financave Vendore
Last Update 1 个月前
I nderuar Sekretar i GMS.
Pas përfundimit të miratimit të të gjitha moduleve të procesit të PBA, që janë:
- Parashikimi i të Ardhurave
- DPP 1-3
- PSHP 1-7
- NJVQV 1-5
Sekretari i GMS duhet të ndjekë këto udhëzime për të siguruar finalizimin e miratimeve:
1. Miratimi nga Kordinatori i GMS:
Kordinatori i GMS duhet të hyjë në SMBV dhe në Panelin e NJVQV të klikojë mbi “Miratimi nga Kordinatori i GMS” për të miratuar Projekt Dokumentin e PBA 2026-2028 dhe për ta percjellë atë në GMS.
2. Miratimi nga Kryetari i GMS:
Kryetari i GMS duhet të hyjë në SMBV dhe në Panelin e NJVQV të klikojë mbi “Miratimi i GMS” për të finalizuar miratimin e Projekt Dokumentit të PBA.
Pas miratimit të këtyre dy hapave të fundit:
- Kutitë e miratimit në diagramën e NJVQV do të ngjyrosen jeshile për të treguar që hapat përkatës janë miratuar.
- Miratimi nga Kryetari i GMS do të heqë mbishkrimin “DRAFT” nga Raportet e PBA, duke bërë raportet përfundimtare gati për t’u shkarkuar.
- Në Panelin e NJVQV aktivizohet një mini-panel për ngarkimin dhe dërgimin në DFV/MF të kopjes elektronike te Projekt Dokumentit të PBA 2026-2028 (Fazën e I) dhe Dokumentit të Rishikuar të PBA 2026-2028 (Fazën II).
3. Shkarkimi i Raporteve përfundimtare:
Sekretari i GMS mund të shkarkojë raportet përfundimtare nga menuja “Raportet e PBA” ose duke përdorur komandën “Shkarko Tabelat e PBA” që shfaqet në Panelin e NJVQV, mbi diagramën e miratimeve.
Butoni “Sharko Tabelat e PBA” gjeneron të gjitha Raportet PBA1-9 nga fillimi në fund për çdo program, në një dokument të vetëm, të cilin do t'ja bashkangjitni Projekt Dokumentit të PBA 2026-2028 (Shtojca 2) në Fazën e I-rë dhe Dokumentin e Rishikuar të PBA 2026-2028 në Fazën II. Kur ta klikoni, duhet te prisni për rreth 1 minutë sa të gjenerohet raporti.
4. Ngarkimi dhe Dërgimi i Dokumentacionit në DFV/MF:
Pas finalizimit të Projekt Dokumentit të PBA 2026-2028 (Shtojca 2) në Fazën e I-rë dhe Dokumentit të Rishikuar të PBA 2026-2028 në Fazën II, Sekretari i GMS duhet të ngarkojë në mini-panelin e NJVQV:
- Projekt Dokumentin e PBA 2026-2028 (Shtojca 2) në Fazën e I-rë dhe Dokumentin e Rishikuar të PBA 2026-2028 në Fazën II
- Tabelat e PBA 2026-2028 (shkarkuar me komandën “Shkarko Tabelat e PBA”)
- Dokumentacion tjerër shoqërues (opsional).
Ju lutemi, kujdesuni që të ndiqni hapat me kujdes për të siguruar finalizimin e suksesshëm të miratimeve dhe dërgimin e dokumentacionit të nevojshëm në DFV/MF.
Nëse keni ndonjë pyetje ose nevojë për ndihmë shtesë, mos hezitoni të na kontaktoni.
Faleminderit për bashkëpunimin tuaj!